果一下，我聽到啪一聲，好似有啲嘢斷左，好清脆。
之後，我咩感覺都無哂。
我開始睇唔明個電視畫面，只係見到一班人行黎行去，唔知係度嗌乜。
我分唔到邊啲係好人，邊啲係壞人，我甚至唔知係咪賣緊廣告。
但係，我覺得好平靜，所有聲音都好似隔住一層玻璃咁，所有野都離我好遠。
我唔係好認得電視機映緊嘅係咩地方，好似有啲印象，又好似好陌生。
畫面入面嘅世界同我好似斷開左咁，有一種睇緊科幻片既感覺︰電視機入面既世界，係我永遠都去唔到既世界，無論我搭幾耐車都好，我永遠都唔會去到果度。裡面發生既事，已經有哂劇本，一切都按照住導演既計劃上演。而我只係一個觀眾，我唯一可以做既，就係選擇轉台、熄電視或者繼續睇。
於是我求其轉左個台，做緊「天線得得ｂ」。
我點著支煙，睇左一陣。
當隔離台係度聲嘶力竭咁嗌口號既時候，原來呢邊做緊天線得得ｂ。
哈！又幾盞鬼喎，點解我唔早啲轉台呢？
文章
沒有留言:
發佈留言