nothing to do

Street Art

肥胖之罪

樣衰唔係罪，係不幸。生得醜唔係你既責任，要怪既，只好怪上帝。














但係，肥，就係你既錯！
一個人好地地係唔會肥既，你變得做肥人，梗係食左多過你需要既野啦。係呢個仲有咁多人捱餓既時代，你竟然食咁多野？
肥係貪心既表現，係唔公平既象徵。
肥人臃腫畸形既身體，已經充分顯示出佢地既唔道德。

肥人係罪犯，佢地甚至俾小偷、殺人犯更無恥。一般犯人都會掩飾自己犯左既罪。但係肥人，佢地竟然將自己既罪證放哂響個身上，就好似一個殺人犯拖住條屍周街走咁。你話，見到肥人有乜辦法唔憤怒？

所以，見到肥人應該即刻鬧佢，就算唔鬧佢都要鄙視佢，我地要透過侮辱黎喚醒佢既良知。係街見到肥人唔鬧佢，就好似搭地鐵見到痴漢非禮學生妹唔出聲一樣。作為一個有良知既人，我地應該出聲，應該挺身而出鬧到佢地狗血淋頭！

地下鐵偶遇她

有一次搭地鐵，見到個女仔著住件低胸背心 。咁我就梗係昅到佢實一實啦，點知佢竟然怒啤我。

於是，我走到佢前面，心平氣和咁同佢講︰

小姐，你著緊呢件呢，就叫做叫低胸吊帶背心。所謂低胸呢，即係響正常嘅視線之下，都最少會見到你胸部嘅四分之一。而你應該知道，一般男人都對女人嘅胸部特別感興趣。咁你響「公眾場合」著得呢件衫，就等於邀請大家望你個胸。如果有人好似我咁，眼甘甘咁望住你個胸，你無需、亦唔應該感到詫異。你應該知道，呢個係正常、而且合理嘅反應。
如果你對我淫褻嘅眼神感到厭惡既話，你一早就唔應該著呢啲衫。如果你著呢啲衫之前，無預計到人地有呢個反應嘅話，呢個係你自己缺乏常識嘅問題，唔係望你果個人嘅問題。

所以，當人地，例如我，眼甘甘咁望住你個胸。你應該坦言咁接受，而唔應該怒啤人，你知唔知咁樣係好無禮貌架？

置之死地而後生

家陣啲年輕人，經常為咗自己生得醜而感到煩惱。針對呢個問題，我諗咗條橋，希望幫到大家。

















橫惦咁樣衰，不如一不做二不休，
的起心肝搵漒水嗱爛塊面。
你毀左容個樣雖然比起你原本個樣更核突。但係從此之後，無人會話你樣衰，無人會嘲笑你。佢地反而會同情你，甚至可能會有一d同情心泛濫既女仔愛上你。

呢招叫置之死地而後生。
一旦毀左容，你已經唔再響靚同醜呢個遊戲入面同人競爭。你超越左呢個遊戲，你屬於「唔正常」。響靚同醜呢個遊戲你輸梗。但係響唔正常呢個類別入面，你仲有機會贏！

諗諗佢。

電車男秘傳

睇咗電車男，覺得好感動，因為我都有過類似嘅經歷。
雖然件事已經過咗三年，但係每次諗番，我都覺得好感慨。

















果日我如常8點幾搭地鐵番工。其實我份工根本唔駛咁早番，我咁早番係因為貪佢人多，見到啲靚女可以逼埋去抽水。
果日我離遠就見到一個著住小背心、短裙既女仔，咁我就梗係急急腳咁走埋去啦。 點知當我準備佔據有利位置既時候，有個男仔以極快嘅身法攝左我個位。 佢攝咗我個位之後，仲拎過嚟啤一啤我，同我交換咗個眼神。
佢用眼神同我講︰搵食行遠啲啦！
我心諗︰今朝真係唔好彩，遇到行家爭食，呢程車白坐喇。

正當我考慮緊要唔要響下個站落車搵過第二個獵物嘅時候，我見到行家食得好滋味，成隻手high哂落個女仔個胸度，仲隨住列車既震盪輕輕咁擺動。 而個女仔就露出驚恐嘅表情，擺明係唔敢出聲果隻，根據我嘅經驗，呢type女仔可以好放心咁食。 當然行家亦都知道呢點，如果唔係佢唔會咁放肆。

響呢個時候，我突然靈機一觸，諗到一個好大膽嘅計劃。雖然只係電光火石之間嘅念頭，但係我知道呢個計劃會改變我餘下嘅生命，我等咗咁多年嘅機會，終於嚟喇！

我用口型問個女仔︰係咪非禮？
佢輕輕咁點咗一下頭。
我即刻捉住行家隻手，喝佢︰喂！你做咩呀？
佢望一望我，露出驚愕既神色。
我用眼神同佢講︰同我爭食？呢舖你仲唔斷正？哈哈哈！
我好正義咁問個女仔︰佢係咪非禮你？
個女仔唔出聲，點一點頭，啲眼淚係咁流出嚟。真係惹人憐愛呀陰公。

俾我捉到之後，個男仔失去咗常性，係咁用粗口鬧個女仔。又話佢痴線，又話佢樣衰，做雞都唔屌云云。
我心中暗笑︰你覺得佢咁差就唔好同我爭食啦！
個女仔好驚，捉住我手臂喱咗響我後面。咁我就梗係好正義咁企響佢前面保護佢啦。同一時間，有人已經用對講機同車長講咗有人非禮。
停車之後，有幾個男人同我一齊夾手夾腳捉住個男仔。然後警察到咗，又要落口供，又要上庭果啲就唔多講喇。

之後，個女仔為咗多謝我，請我食咗餐飯。
兩個星期之後，我好順利咁將佢追到手。

唔到一個月，我已經攞正牌，可以盡情咁揸佢果對、我響地鐵已經好想揸既波。 當我地第一次做愛嘅時候，我有一種好奇妙嘅感覺。

我一邊抽插，一邊沉思。

啪、啪、啪、啪、啪．．．

唔知果個男仔依家係咪響赤柱俾人屌緊菊花呢？
如果果日個男仔攝唔到我個位，依家響度抽插緊果個可能係佢 。
一諗到呢度，我就覺得好唏噓。

啪、啪、啪、啪、啪．．．

每一下啪啪聲都好沉重，仿佛係個男仔對我嘅控訴。

政治旁觀者

睇到個表決結果之後，我短時間咁失去左意識。
果一下，我聽到啪一聲，好似有啲嘢斷左，好清脆。
之後，我咩感覺都無哂。

我開始睇唔明個電視畫面，只係見到一班人行黎行去，唔知係度嗌乜。
我分唔到邊啲係好人，邊啲係壞人，我甚至唔知係咪賣緊廣告。

但係，我覺得好平靜，所有聲音都好似隔住一層玻璃咁，所有野都離我好遠。
我唔係好認得電視機映緊嘅係咩地方，好似有啲印象，又好似好陌生。
畫面入面嘅世界同我好似斷開左咁，有一種睇緊科幻片既感覺︰電視機入面既世界，係我永遠都去唔到既世界，無論我搭幾耐車都好，我永遠都唔會去到果度。裡面發生既事，已經有哂劇本，一切都按照住導演既計劃上演。而我只係一個觀眾，我唯一可以做既，就係選擇轉台、熄電視或者繼續睇。

於是我求其轉左個台，做緊「天線得得ｂ」。
我點著支煙，睇左一陣。
當隔離台係度聲嘶力竭咁嗌口號既時候，原來呢邊做緊天線得得ｂ。















哈！又幾盞鬼喎，點解我唔早啲轉台呢？